Energy စုပ်ဖုတ်ကောင်များ

Issue - 52

အရမ်းကြာကြာပေါင်းလာပြီးမှ အရမ်းကို စိတ်ဒုက္ခပေးတဲ့သူငယ်ချင်းဖြစ်နေတာမျိုးကြုံဖူးသလား ? ကျနော့်မှာတော့ ရှိတယ် ကစားအတူ စားအတူ သွားအတူတူပဲ ဝါသနာတွေလဲတူတော့ အတွဲညီိတဲ့သူတွေပေါ့။ ဒါပေမယ့် အသက်ကြီးလာတာနဲ့အမျှ သတိထားမိလာတာလေးတွေရှိလာတယ် တွေ့ရင် ဝါသနာတွေအကြောင်းပြောတာကတော့ ပြောစကားတွေက ဖဲ့တာတွေ နှိမ်တာတွေ အရှက်ခွဲတာတွေများလာတယ်။ ပိုက်ဆံရှင်းဖို့လိုပြီဆိုသတိရတယ်။ ချိန်းထားတာတွေကို အချိန်နီးမှ ကပ်ပြီးဖျက်တယ်။ အောင်မြင်မှုရတာမြင်ရင်လဲ ချီးကျူးရမယ့်မစား ကြက်ကန်းဆန်အိုးတိုးတာလို့ပြောတယ်။ အဝတ်အစားဆိုရင်လဲ မလိုက်တာတွေကိုလိုက်တယ်ပြောပြီး အတင်းဝယ်ခိုင်းဝတ်ခိုင်းတယ်။ ဒါမှ သူ့လောက်ကြည့်မကောင်းမှာကိုး။ ကြာလာတော့ ဘော်ဒါကနေ စိတ်ပျက်စရာလူသားဖြစ်လာတယ်။ လေးစားမှုလဲမရှိ အကြံဉာဏ်ကောင်းလဲမရ အရှက်ခွဲဖို့ မကောင်းပြောဖို့လောက်ပဲဆိုတော့ တဖြေးဖြေးစီ ခွာလိုက်တာမှန်သွားတယ်။

အဲ့လိုမပေါင်းတော့တဲ့နောက်ပိုင်း ကိုယ့် style နဲ့ကိုယ်နေဖြစ်လာတယ်။ စိတ်လဲအရင်ကထက်ပိုလန်းဆန်းလာတယ်။ negative တွေလဲအပြောမခံရတဲ့အတွက် ကိုယ့်ကိုယ်ကို confident လဲတက်လာတယ်။ ဘာသိလိုက်လဲဆိုတော့ အနီးကပ်ရန်သူက ထိုးရင် ပိုနာတယ်ဆိုတာပါပဲ။

toxic ဖြစ်တဲ့သူတွေဆိုတာ ပုံစံပေါင်းစုံနဲ့ ကျနော်တို့ ဘဝထဲက ဝင်လာတတ်ကြတယ်။ ဂျိုပါတာလဲမဟုတ်တော့ ချက်ချင်းဆိုသလိုမသိနိုင်ဘူးလေ။ သူတို့ကြောင့် ကျနော်တို့ရဲ့ အချိန်တွေ engergy တွေ ကုန်စေတဲ့အပြင် Mood တွေပါမကောင်းစေနိုင်ဘူး။ ဒီလိုလူတွေဆိုတာ မြန်မြန်ရှင်းနိုင်ရင် ကိုယ့်အတွက် အကောင်းဆုံးပဲ။

Toxic ဖြစ်မဖြစ်ဘယ်လိုသိနိုင်သလဲ

အလုပ်ခွင်မှာဖြစ်ဖြစ် အိမ်မှာဖြစ်ဖြစ် မိတ်ဆွေထဲမှာဖြစ်ဖြစ် ကျနော်တို့ရဲ့ peace နဲ့ happiness ကိုနှောက်ယှက်သမျှလူတိုင်းကို toxic ဖြစ်တယ်ပြောလို့ရတယ်။

သတိထားကြည့်မယ်ဆိုရင်

• ကိုယ့်ရဲ့ energy level ကိုကျစေတဲ့သူ၊

• ကောင်းတာပြောသလိုလိုနဲ့ ချောက်ချတဲ့သူ၊

• ကိုယ့်ခံစားချက်တွေကို အသုံးချတဲ့သူ၊

• ကိုယ့်ကိုယ်ကို တန်ဖိုးမရှိတဲ့သူလို့ထင်လာအောင်ပြောတဲ့သူတွေ

• လူရှေ့သူရှေ့ဆိုမကောင်းတာတွေကိုပိုပြောသူ

• အမြဲကိုယ့်ကို အပြစ်ရှိသလိုခံစားရစေသူ

• ကိုယ်လုပ်မှာတွေကိုဆိုရင် မဖြစ်နိုင်ဘူးဆိုတာအများဆုံးပြောသူ

• ဖြစ်လာမျှကိစ္စတိုင်းမှာ အဆိုးကိုအရင်မြင်ပြီး အများဆုံး highlight လုပ်ပြောသူ

တွေကိုtoxic သမားတွေလို့ဆိုနိုင်တယ်။

ဒီလိုလူတွေကိုယ့်ဘဝထဲမှာရှိနေတယ်ဆိုရင် ဘယ်အချိန်မှာ ကိုယ်ကထွက်သွားသင့်သလဲဆိုတာသိဖို့အရေးကြီးတယ်။ မိသားစုဝင်တွေမို့ထွက်သွားလို့မရခဲ့ရင် distance လေးတစ်ခုထားထားမှတော့ရတယ်။ ဘယ်အချိန်တွေမှာ ထွက်သွားသင့်သလဲဆိုရင်

• ကိုယ့်ရဲ့ personal boundary ကိုကျော်လာတဲ့သူတွေ။ respect မရှိသူတွေဆိုရင် နောက်ဆုတ်လိုက်တာကောင်းပါတယ်။

• ကိုယ့်ကို စိတ်ပင်ပန်းစေသူတွေ တွေ့လိုက်တိုင်းမြင်လိုက်တိုင်း ကြားလိုက်တိုင်းမှာ စိတ်ကိုပင်ပန်းစေသူတွေဆိုရင် နောက်ဆုတ်လိုက်တာကောင်းပါတယ်။

• ဘယ်လိုပဲတိုင်ပင်ဆွေးနွေး အဆိုးတွေကြီးပြောပြီး သူကိုယ်တိုင်လဲ negative များနေရင် နောက်ဆုတ်လိုက်ပါ။

• ကိုယ့်ဘဝရဲ့ဆုံးဖတ်ချက်တွေကို ဝင်ရောက်စွက်ဖက်နေတယ်ဆိုရင် နောက်ဆုတ်လိုက်ပါ။

Stoicism ကတော့ ကျနော့်ကို

• ကိုယ်ထိန်းချုပ်လို့ရတာတွေမရတာတွေကို သင်ပေးတဲ့အတွက် ကိုယ်ထိန်းချုပ်လို့မရတဲ့သူများတွေရဲ့ အမူအကျင့် စကားလုံးတွေကိုထိန်းချုပ်မယ့်အစား သူတို့နဲ့ဆက်သွယ်မှုကိုတော့ ကိုယ်တိုင်ထိန်းချုပ်လို့ရတာမို့ အဲ့ဒါကိုပဲထိန်းချုပ်ကန့်သတ်လိုက်တယ်။

• personal boundaries တွေဆိုတာ လိုအပ်တယ်။ ကိုယ့်ကို negative လာပေးနေတဲ့သူတွေကို လဲ အကန့်ကန့်လိုက်ဖို့လိုတယ်။ ငါဘယ်သူနဲ့မှ စကားမပြောချင်ဘူး တစ်ယောက်တည်း နေဖို့အချိန်လိုအပ်တယ်။ ငါ့ကိုအချိန်ပေးပါဆိုတာ အလွယ်ဆုံးပြောလို့ရတဲ့စကားပါ။ ဒီထက်ပြတ်သားချင်ရင် ပွင့်ပွင့်လင်းလင်း ငါမင်းနဲ့စကားပြောရတာ စိတ်ဓါတ်ကျတယ် စိတ်ဆင်းရဲရတယ် ခင်ပေမယ့် ငါတို့အရင်လို တွေ့နေပြောနေလို့ငါ့အတွက် အဆင်မပြေတော့ဘူး။ (I used that one )

• ကိုယ့်တိုးတက်မှုကိုဦးစားပေးပါ။ ကိုယ့်အေးချမ်းနေမှ တခြားလဘယ်သူလာပြီးဘာတွေလုပ်လုပ်ဘာမှမဖြစ်မှာမို့ ကိုယ့်ကိုယ်ကိုအေးချမ်းဖို့အချိန်ပေးပါ။

အနားကပ်လိုက်တိုင်း စကားပြောလိုက်တိုင်း အားကုန်စေမယ့် energy vampire တွေရှိတယ်ဆိုရင် ဘဝထဲကနေ မြန်မြန်ရှင်းထုတ်နိုင်တာပိုကောင်းပါတယ်။

social media ပေါ်က energy vampire များကိုလဲ မကြာမကြာရှင်းလင်းသုတ်သင်ပါမိတ်ဆွေ။

နေ့စဉ်ကိုယ့်ကိုယ်ကို သတိပေးရမှာတော့ “self care is not selfish” ပါပဲခင်ဗျာ

စေတနာများစွာဖြင့်

La Pyae

---

New video